Краса беларускага краю
 I творчае думкi ўзлет,
 Табе сваю песню складаю,
 Мой горад герой-патрыёт.

 Прыпеў:

 Хай удалеч песня мчыцца
 Над краiнай дарагой,
 Ты спявай, мая сталiца,
 Родны сэрцу горад мой.
 I паркi твае, i бульвары
 Люблю я вячэрняй парой.
 Паўсюль закаханыя пары
 I шэпат, i смех над ракой.

 Прыпеў.

 Тваёй ганаруся я славай,
 I рады я шчырай душой,
 Што ў гэтай красе велiчавай
 Ёсць доля i працы маёй.

 Прыпеў.